Pantun Gombal Minang

Pantun Gombal Minang
Denai Jawek, Sorry La Yoo

70+ pantun Minang lucu, rancak, menghibur — disusun rapi 4 baris, siap untuk status WA, FB, TikTok. Dari Padang untuk dunia.

MINANG BANGET • GOMBAL HALAL • FUJICELL.ID & TAUFIKHIDAYAT.ID

1

Jamua kain di ateh kawek
Kawek malintang di ateh payo
Diak paso denai manjawek
Denai jawek, sory la yoo

2

Batang karambia sabana gadang
Labek dek daun karisiak
Cinto adiak yo sabana gadang
Tapi sagadang talua itiak

3

Jalan-jalan ka Padang Panjang
Naiak oto di Kalawi
Alah panek abang basayang-sayang
Kironyo adiak alah balaki

4

Duduak-duduak katiko hujan
Kopi talatak langsuang dinonoh
Lah baribu gombalan denai barikan
Adiak bakato 'ota uda se tu nyoh'

5

Siang hari main layang
Layang putuih di kapalo koto
Jan adiak bakato sayang
Uda tau adiak sadang baduto

6

Pai ka rimbo mancari kayu
Makan lotek iyo di Taruko
Ndak usah ambo etek rayu
Anak etek se alun tantu ambo suko

7

Anak ketek pai sumbayang
Pai sumbayang jo si lolok
Lah panek uda mamanggia sayang
Nan si adiak lah lamak lalok

8

Uda punyo oto Ferrari
Kama adiak nio uda anta
Kok cuma gombal nan adiak cari
Ancaklah adiak masuak banda

9

Ameh kawin dibayia tunai
Babisan amak jo urang kayo
Usah adiak marayu denai
Karano denai indak picayo

10

Pagi-pagi pai ka ladang
Siangnyo pai ka sungai
Cinto uda yo bana gadang
Tapi kecek adiak awak indak sasuai

11

Nan pakaian batambah mini
Yang balinyo baratuih ratuih
Lah banyak urang manggombal kini
Tembak lah patuih

12

Jalan kaki pai ka Pasaman
Kironyo tibo di Bukittinggi
Jan lah uda nan adiak gombalan
Padahal adiak alun sikek gigi

13

Adiak pakai Android
Uda pakai Blackberry
Kato-kato uda sweet-sweet
Tapi adiak lah bapunyo, I'm sorry

14

Lamak rasonyo gulai ikan
Dimakan di hari patang
Oto sedan uda janjikan?
Ka makan se uda bautang

15

Makan goreang di laman lua
Hujan labek basambuik patuih
Ba'a adiak ka tadayo dek gombalan uda?
Angok uda se baun patuih

16

Sabana lamak dendeng batokok
Apolai kalau lado e padeh
Kok lah hati ndak madok
Sibuak gombal bana, mbo cuah e nyeh

17

Ka danau mancari bada
Bada dijua ka urang Sangka
Jan adiak cubo marayu uda
Uda tarayu cuman dek Agnes Monica

18

Di parak ado baruak
Lapeh mamanjek ka batang durian
Cinto adiak yo sabana laweh
Salaweh kamar kost-kostan

19

Pai ka pasa jo baju tabaliak
Tibo di pasa mancari WC
Ba caro uda suko ka adiak
Gombalan adiak ka apak uda taruih se

20

Hari kalam kok alah malam
Lamak lalok apolai ujan
Cinto adik ka uda emang dalam
Sadalam mungkuak kobokan

21

Ka Painan mambali jambu
Jambu dibali di jua ka Padang
Tiok ari uda manyabuik I lop u
I lop u selah surang

22

Hari ujan tibo di Puruik
Nio ditampuah kiro tibo patuih
Adiak jan gombalan uda taruih
Uda baru putuih

23

Kok nampak pitih motuih
Pitih diambiak tinggaan tando
Uda rancak gombalan co patuih
Tapi sayang gigi uda balado

24

Bagaluik mamak jo kamanakan
Anak manangih di pangkuan
Kato-kato indah nan den tulihkan
Adiak baleh jo undangan

25

Mandaki janjang bakelok sambilan
Percuma se uda janjian
Kijang den alah dapek nan ba sedan
Denai alah move on duluan

26

Batang karambia sabana gadang
Buahnyo sagadang banta
Cinto adiak yo sabana gadang
Tapi gadang OTA

27

Tinggi tabangnyo si Buruang Bondo
Tabang mambubuang ka angkasa
Den sangko SMS adiak nan tibo
Kironyo dari mama mintak pulsa

28

Buruang Alang di Sungai Sariak
Tabang mambubuang ka langik sabak
Satiok tabayang senyum manih adiak
Karupuak jariang dikulek raso martabak

29

Ambiak kawek di ateh banto
Kawek nan kuniang duo-duo
Payah bacewek jo panyiar radio
Awak aniang inyo mangecek juo

30

Bali lado pancukuik samba
Samba baluik untuak minantu
Iyo bedo basunguik taba
Tiok sabanta tasapik pintu

31

Merdu bakicau si Buruang Pipik
Pipik bakicau di tangah hari
Asa lai namuah adiak dijapuik
Onda di dealer den baok lari

32

Buruang punai di Sungai Sariak
Baputa-puta mancari alamaik
Tiok tabayang lasuang pipik adiak
Kopi diminum raso jus tomaik

33

Kok dunsanak pai ka Padang
Baokkan bingkuang jadi si buah tangan
Oi adiak janlah galak gadang-gadang
Tengganglah denai ko nan jantuangan

34

Lamak bamain layang-layang
Bamain kalereang kito kamudian
Lamak bapacar jo gadih Sungayang
Tiok maanta dapek durian

35

Datang indak bajapuik
Pulang indak baanta
Asa rokok lai cukuik
Bialah lalok indak babanta

36

Apolah guno saroban
Saroban dikabek paelok laku
Apolah guno koran
Koran dilipek panaba saku

37

Ingin hati pai ka pulau
Tapi pandayuang lah patah pulo
Ingin hati pai ka lapau
Tapi tarompa suok kaduonyo

38

Bialah bakandang lapang
Asa takabek si anak macan
Bialah batarompa japang
Asa di jari mangkilek si batu bacan

39

Pai ka pasa mambali kuini
Untuak dimakan di sanjo hari
Banyak nan tempang jalan urang kini
Dek batu sagadang tinju lakek di jari

40

Dinanti tabang si Buruang Bondo
Sakali tabang jauah malintang
Dinanti adiak ndak kunjuang tio
Sakali tibo managiah utang

41

Tinggi tabangnyo si Buruang Gagak
Hinggok di dahan patah rantiang
Mancaliak pak gaek makan martabak
Talantiang giginyo ka tapi piriang

42

Ombilin jalan ka mudiak
Rami oto basilalu
Salamek maambuih lilin oi adiak
Samoga sehat salalu

43

Sapandai-pandai tupai malompek
Nan pasti ka jatuah juo
Sapandai-pandai adiak mangamek
Nan gigi ompong ka nampak juo

44

Alang tabang di ateh ngarai
Tabang tinggi ka langik sabak
Iyolah malang nasib denai
Baapi-api lai barokok indak

45

Rami urang di Tigo Jango
Rami dek anak gadih-gadih
Iyolah malang nasib denai ko
Bulan mudo pitih lah abih

46

Tasabuik danau Singkarak
Iyolah hulu Batang Ombilin
Dicaliak pariuak nan tingga karak
Pitih lah habih dek batu cincin

47

Rimbun daunnyo batang kuini
Di bawahnyo anak-anak bamain kalereang
Ado-ado sajo mode buya jaman kini
Pasang kopiah dipateleang

48

Iyolah siang tibo di kapalo
Bapayuang kito maambiak cubadak
Iyolah malang tibo di denai ko
Bagayuang lai baraia indak

49

Alah lamo indak ka rimbo
Sakali ka rimbo iyo rimbo Cino
Alah lamo indak basuo
Sakali basuo upiak sadang badomino

50

Taratak lalu Simpuruik
Banyak urang mamakai batiak
Paruik litak lapau lah tutuik
Tapaso bakinyam tapi-tapi batu akiak

51

Hujan hari di tangah malam
Patuih jo guruah sahuik-manyahuik
Ka mangopi lampu padam
Galeh kawan nan tasarupuik

52

Iyolah mabuak di padehnyo lado
Dek tamakan sakali duo
Iyolah badabuak jantuang di dado
Dek tacigok dompet di tanggal tuo

53

Kok ragu jalan ka Muaro Tebo
Ancak ditanyo ka nan cadiak
Kok rindu bana ko nan lah tibo
Cacak dipandang tabayang adiak

54

Bialah jalak di ateh dahan
Asa talarai si buruang angso
Bialah litak nan denai tahan
Asa tabali baterai untuak radio

55

Jikok sanak ka kampuang Kuriak
Ambiak durian di ateh batu
Jikok mandanga galak badarai adiak
Akhir bulan saraso tanggal satu

56

Bukan parpatih jadi nahkodo
Tapi tuanku rajo dubalang
Bukan pitih nan indak ado
Tapi saku banyak balubang

57

Bialah tarang di rambang patang
Nan bararak rinai salapeh pagi
Bialah urang nan alah kanyang
Nan wak sato pulo mancukia gigi

58

Rami lapangan dek panampilan band
Urang banyanyi dari lua nagari
Gigi ompong bakacamatoa reben
Kironyo pak gaek mancaliak gerhana matoari

59

Tasabuik kain rancak diurai
Kain sutra tanamo dari Toraja
Tadanga adiak galak badarai
Dalam kopatra saraso di ateh apanja

60

Lapek talatak di tapi cawan
Dibali dari lapau si Mon
Gaek manakua di tangah jalan
Kironyo sadang mancari Pokemon

61

Urang mudiak manabang pinang
Pinang dihirik ka dalam ladang
Mandanga adiak maimbau sayang
Gata digigik rangik sakatiko ilang

62

Urang Kuriak pai ka darek
Jalan baduo di ate batu
Tiok mancaliak adiak mangamek
Bulan tuo saraso tanggal satu

63

Manurun jalan ka Sungayang
Mambaok pisang jo buah salak
Ka bakeh urang bakatokan sayang
Bini di rumah kanai bulalak

64

Luruihlah jalan ka Sungayang
Babelok jalan ka Saruaso
Katiko rancak maimbau sayang
Kini lah gapuak baimbau: puso!

65

Tinggi tabangnyo si buruang bondo
Jatuah badarai maimpok buah rambutan
Iyolah bansaik bana iduik denai ko
Oto limo rumah balenggek lapan

66

Tasabuik urang bunian
Bacurito kawan di ateh batu
Cando ko bana parasaian
Baa dek lamo bana tanggal satu

67

Jalan babatu padati diarah
Diarah padati si urang jao
Kironyo tanggal satu almanaek sirah
Karak di pariuak bakikih juo

68

Bungo kananga basalo duri
Nampak ruso bakaki balang
Sabanta bana rasonyo hari
Bulan puaso lah ka datang

69

Sumbahyang zuhur di surau tuo
Ayam mangaram di tapian talago
Nan manjagoan sahur dek alun ado
Tapaso alaram basalek ka talingo

70

Bakirok sawah dek gagak di jarami
Kironyo punai nan sadang manapi
Tasirok darah dek nampak barami-rami
Kironyo amai-amai sadang baselpi-selpi

71

Bialah indak ka pasa
Asalkan lai singgah ka parak
Bialah indak bapulsa
Asalkan lai bakamera rancak

72

Babaliak bajalan si anak gadih
Bajalan baduo di hari sanjo
Dicaliak di efbi adiak nampak manih
Katiko basuo astagfirulloohhh

73

Oi buruang lakehlah tabang
Bia nak bajarak si buah nangko
Oi asok lakehlah ilang
Bia nak nampak jodoh denai ko

74

Elok talipek satungkuih lapek
Lapek dibuek di ateh dandang
Putiah ketek jalannyo capek
Nasi talakek di kapa tabang

75

Kalau ado sumua di ladang
Buliahlah kito manumpang mandi
Kalau ado nan senyum-senyum surang
Tandonyo sadang baselpi-selpi

76

Libur panjang mari ka ladang
Dipanciang baluik tajarek ula
Rambuik panjang madok balakang
Den sangko adiak kironyo uda

77

Pai bajalan ka dalam rimbo
Babelok jalan ka talago
Alah lamo indak basuo
Adiak batambah kemat sajo

78

Dicaliak kain bawarna merah
Dek dipakai pamain pilem
Dicaliak PNS bawajah cerah
Dek acok bulak-baliak ateem

79

Dicaliak pukek nan lah tajarek
Kironyo puyuah di sangkak jariang
Dicaliak dompet nan tampak barek
Kironyo panuah dek pitih dariang

80

Coiko kalau lado si urang buo
Taraso manih dibuek samba randang
Coiko kalau tibo di tanggal tuo
Disuok nasi jo karak goreng pisang

81

Aia pacah batu basibak
Basibak batu ka Batang Pauah
Denai gagah adiak mangilak
Kironyo mato situ nan rabun jauah

82

Sio-sio mambali Bilih
Jikok tabaok lado jo jariang
Sio-sio mancari pitih
Jikok lalok masih jo guliang

83

Dari Pauah nak ka Singkarak
Manjarek Bilih palapeh tanyo
Dari jauah Aliando nan tampak
Pas mandakek Angku Ompong sadang TikTok malah kironyo

84

ambiak lado katapi parak
kok digulai tambah jo tomat
kok lai nio hiduik taraso lamak
mulai-mulailah perbaiki shalat